Акционерското друштво за аеродромски услуги АЕРОДРОМИ НАРЕПУБЛИКА СЕВЕРНА МАКЕДОНИЈА во државна сопственост Скопје е правен следбеник на Јавното претпријатие за аеродромски услуги „Македонија“ – Скопје, кое е основано од Собранието на Социјалистичка Република Македонија, на 8 Ноември 1990 година.
Со Одлука за преобразба на Јавното претпријатие за аеродромски услуги „Македонија“ – Скопје во Акционерско друштво во државна сопственост, донесена од Владата на Република Македонија бр. 19-7554/1 од 25.02.2008 година, АД „Аеродроми на Македонија“ Скопје во државна сопственост, продолжува со работа и учествува во правниот промет како негов правен следбеник.
На 24.09.2008 година склучен е Договор број 02-11310 за концесија, развој, финансирање, користење и одржување на аеродромот „Александар Велики“ Скопје и аеродромот „Св. Апостол Павле“ Охрид, помеѓу Владата на Република Македонија, TAV Havalimanlari Holding A.S. и ТАВ Македонија. Врз основа на тој Договор, кој стапи на сила на 01.03.2010 година, активностите околу вршење аеродромски услуги, ги врши концесионерот.
Скратен назив на компанијата е:
АД АЕРОДРОМИ НА РЕПУБЛИКА СЕВЕРНА МАКЕДОНИЈА.
Организациска структура
Управен одбор
- Игор Трајановски – в.д. Претседател на Управен одбор
- Мумин Алиу – в.д. Заменик претседател на Управен одбор
- Јово Упески – в.д. Член на Управен одбор
Надзорен одбор
- Целе Најдески – Претседател на Надзорен одбор
- Бејтула Демири – Заменик претседател на Надзорен одбор
- Ангела Нушева – Член на Надзорен одбор
- Мартин Корубин – Член на Надзорен одбор
- Берат Даути – Независен член на Надзорен одбор
Мисија
Го развиваме друштвото со цел да обезбедиме одржлив раст и развој за сите наши засегнати страни и акционери. Се грижиме за имотот кој е даден под концесија.
Визија
Нашата визија е да развиеме современа и ефикасна аеродромска мрежа, во која нашите аеродроми ќе претставуваат водечки центри на иновации во регионот. Стремиме кон висококвалитетна инфраструктура, одржлив развој, врвно задоволство на клиентите и постојано унапредување на услугите и стручноста на нашите вработени.
Стратегија
Друштвото применува стратегија заснована на ефикасно управување со ресурсите и одржување на ниски оперативни трошоци.